Það var mikill uppgangur árið 2006 þegar Gleðigangan var gengin niður Laugaveg. Við vorum með fréttastöð sem sendi út allan sólarhringinn og fjallaði ítarlega um gönguna. Helgi Seljan tók viðtöl í beinni og allt var sent beint út, undirbúningur, gangan og skemmtiatriðin á sviðinu. Hrafnhildur Gunnarsdóttir var fengin í settið og fjallaði um stöðuna í réttindabaráttunni. Við fundum gamla VHS upptöku af þessari útsendingu og datt í hug að einhverjir hefðu gaman af því að rifja þetta ár upp með okkur þar sem eitthvað varð lítið úr Gleðigöngunni þetta ár 2020.
Hrafnhildur safnaði saman ótrúlega merkilegu myndefni í gegnum árin sem birtust í þáttaröðinni Svona Fólk og Fjaðrafok. Á vef hennar svonafolk.is má finna mikið efni sem var notað í þáttunum og hægt er að horfa á Fjaðrafok þar.
