Hvernig er að vera lesbía? Hvernig er að eignast barn inn í hinsegin fjölskyldu? Hvar eru hinsegin konur í gegnum söguna? María Rut Kristinsdóttir og Ingileif Friðriksdóttir kíktu í heimsókn í þáttinn Kona er nefnd. Þar ræddu þær meðal annars hvernig er að vera lesbía, hvernig er að eignast barn inn í hinsegin fjölskyldu og hvar hinsegin konur séu í gegnum söguna.

„Konur eru nefndar María og Ingileif. Þær hjónur eru gestir okkar í nýjasta þætti Kona er nefnd og ræðum við þar allt um hinsegin veruleika íslenskra kvenna, þá og nú. María og Ingileif hafa verið fremst í baráttunni gegn fordómum undanfarin ár og halda úti fræðslu í gegnum Hinseginleikann, bæði á samfélagsmiðlum, í sjónvarpi og hlaðvarpi.“

Hlusta má á þáttinn á Spotify.

Kona er nefnd – hlaðvarp um merkilegar konur

Hlaðvarpið Kona er nefnd hóf göngu sína sumarið 2019 og var stofnað af vinkonunum og femínistunum Tinnu Haraldsdóttur og Silju Björk Björnsdóttur. Markmið hlaðvarpsins er bæði að kynnast og kynna merkilegar konur í sögunni, þá og nú, frá ýmsum sjónarhornum, í alls konar aðstæðum og störfum og með einstakar sögur.

Mynd: Nútíminn